DEKLARASYON 28 Lorganizasyon kont Lager-dagresyon, anfaver Plant Manze lor Later Tablisman [re-edite 6.05.26]
20.04.2026
Zedi le 16 Avril, enn delegasyon reprezantan 8 lorganizasyon finn al sumet Deklarasyon la Biro Premye Minis, Port-Louis. Sa 28 lorganizasyon regrup plis ki 100,000 manb dan Repiblik Moris. [Re-edite 8.05.26]
Nu pe pibliye versyon an Kreol Deklarasyon pu nu lekter
DEKLARASYON
Nu, lorganizasyon ki finn siyne anba, konfirm nu revandikasyon ki Guvernman Ramgoolam:
1. Bizin ferm baz UK-USA lor Diego Garcia! Non a servi nu teritwar dan enn lager-dagresyon,
2. Bizin rant dan ka Sid Afrik kont Israel pu zenosid kont Palestinyin, kuma Holland ek Iceland finn fek fer 12 Mars, nu zur Lindepandans, e apre ki USA-Israel finn lans lager kont Liran dan prosesis expann sa zenosid kont Palestinyin ek sa lager Israel kont Liban, Guvernman Ramgoolam:
3. Bizin opoz itilizasyon baz lor Diego Garcia par USA dan so lager ansam ar Israel kont Liran. Chagos li nu teritwar, ICJ fini transe, e nu, ki reprezant enn gran franz popilasyon pei, nu pa dakor ki nu pei vinn enn “belizeran” atraver furni led ar “agreser” dan enn tel lager. Agreser dan enn tel lager li komet “krim deger siprem” dapre lalwa internasyonal, e so konplis ki eberz baz militer, li egalman kupab.
4. Bizin fors patron tablisman konverti enn parti so later, viz dizon 30%, pu li plant prodwi alimanter apartir asterla, e dedye enn parti so infrastriktir pu prezerv e proses sa rekolt la. Kuma may, zariko, fler soley pu so delwil, pomdeter ek lezot manze debaz. Lager la exziz enn plan-daksyon ekonomik irzan, kuma pandan 2yem Ger Mondyal, kot lalwa ti obliz tablisman konverti later pu prodiksyon alimanter. Patron pu bizin pran travayer dapre kondisyon travay permanan. Pu Rodrig, bizin furni planter fezans, lasirans ek infrastriktir pu dilo, e ed peser ogmant pwason ki zot lapes. Bizin fors patron lotel dedye enn parti so kapital pu investi dan enn laflot bato lapes, pran peser ek marin pu travay, pu itiliz nu 2.3 milyon km. kare losean. Anmemtan, bizin akseler proze lenerzi soler ek eolyenn.
SINYATER 26 LORGANIZASYON
Reeaz Chuttoo, President Confederation des Travailleurs des Secteurs Publique et Privé (CTSPP)
Haniff Peerun, President Mauritius Labour Congress (MLC)
Deepak Benydin, President Federation of Parastatal Bodies and Other union (FPBOU)
Atma Shanto, President Federation des Travailleurs Unis (FTU)
Clency Bibi, President General Workers Federation (GWF)
Arvin Bhojun, for Federation of Education unions (FEU)
Devanand Ramjuttun, for Joint Negotiating Panel (JNP) of the Cane Sector unions
composing of Sugar Industry Labourers union (SILU), union of Artisans and Allied Workers of Cane Industry (UAAWCI), Artisans and General Workers union (AGWU) and Plantation Workers union (PWU)
Randheer Bundoo, Treasurer Government Teachers union (GTU)
Dain Jahajeeah, Secretary union of Private Secondary Education Employees (UPSEE)
Avinash Bundhun, Telecommunications Workers union
Ram Nowzadick, President Nursing Association
Russhid Golamaully, President Senior and Other Nursing Staff union
Prakash Baluckram, President Government Services Employees Association (GSEA)
Jocelin Louis, for Rodrigues Private Industries and Allied Workers union (RPIAWU)
Lindsey Collen, Ledikasyon pu Travayer (LPT)
Bhollah Salaahud Diin, Students for Palestine
Norman Tambanivoul, for Dr. Idrice Goomany Treatment Centre
Danielle Turner, for Leve Fam!
Rajni Lallah, for Muvman Liberasyon Fam (MLF)
Joceline Minerve, for Fam Ape Zwenn (FAZ)
Sheila Bunwaree, for NGO/Think Tank People’s Voices Network
Marousia Bouvery, for ABAIM
Sarah Luchmun, for Never Again-Olive Resistance
Noor Denmamode, for Plateforme Mauricienne pour la Palestine (PMP)
Ram Nookadee, for Development Practitioners in Network (DPiN)
Alain Ah Vee, for LALIT
Jayen Chellum, for ACIM
Narendranuth Gopee, National Trade union Confederation
[updated 8.05.26]
