PREMYE SKANDAL NUVO GUVERNMAN – ASHOK SUBRON SO “SISTEM” PU FER NOMINASYON
30.05.2025
[Extre trak Lalit Vandredi 30 Me 2025]
Guvernman Ramgoolam so premye skandal, li otur Ashok Subron so fason uver aplikasyon ofisyel pu manb Bord NEF, e lerla met dibut enn lekip manb so parti pu fer seleksyon! Dan LALIT, avan li kite 20 an desela, nu ti deza gayn lager ar Subron pu so mank prinsip. Par exanp, li ti ule pran enn pursantaz larzan konpansasyon travayer DWC, gard sa dan enn fon. Li imoral fer sa. Alor, lager ti leve kont li dan LALIT. Li finn retrakte vit.
Plitar, li ti propoz enn espes “bord” ki pu fer “proze” pu enn seri lorganizasyon, lerla kan kas rantre, sa “bord” la pu ankes li, distribye kas. Sa osi, li enn zafer napa fer. La osi, lager leve. La osi, byin vit, li retir propozisyon la.
Li ti osi ule santraliz ladres ek kontak telefonn pu manb diferan lorganizasyon, inklir LALIT, dan enn sel databeys. Me, li pa etik sa. Ankor enn fwa, lager leve, li retrakte.
Dan dernye 20 banane, depi li kit LALIT sa tandans dan Ashok Subron finn agrave kan li dan ReA. Alor, nu pa etone par so demars farfeli dan “so” Minister, kot li krwar manb Rezistans kapav fer nominasyon Bord NEF, kan Minister Sekirite
