Let uver Ledikasyon Pu Travayer adrese a lider parti politik lor langaz kreol dan kontex kanpayn elektoral
29.06.2024
LALIT ena plezir pibliye kopi enn let uver ki Ledikasyon pu Travayer finn adres bann lider parti politik dan kontex eleksyon zeneral ki pe vini. Dan so let LPT met lanfaz lor linportans langaz kreol pu lamas dimunn e osi vinn delavan ar plizir demand anfaver plis itilizasyon langaz Kreol dan kanpayn elektoral.
LET UVER A LIDER PARTI POLITIK AVAN ELEKSYON ZENERAL 2024
Enn “Pratik” plis 2 Pwin Programatik ki LPT ule truve dan ou Parti ubyin Lalyans
Dan kad eleksyon zeneral ki pe koste Ledikasyon pu Travayer (LPT) pe adres ou sa let lor linportans langaz Kreol pu lamas dimunn. Nu pe fer demand formel pu inklir enn nuvo pratik politik ek 2 nuvo langazman dan ou Program politik.
Kuma ou devet kone, LPT depi plis ki 45 an, pe milite kont represyon lang Kreol dan institisyon leta. Nu anfaver anlev tu restan represyon kolonyal. Interdiksyon langaz maternel li enn sa kalite “restan represyon kolonyal” la. Persistans sa represyon la, li baze lor tu kalite prezize arkaik. Anplis li enn atak konstan kont liberte dexpresyon. Asontur, lefe sa interdiksyon la se pu bafwe tu kalite drwa demokratik dimunn nu Repiblik. Dan lepok modern, li tutafe normal ki nu lib pu servi nu lang maternel partu. Me, nu pe tuzur bizin revandik kiksoz osi elemanter ki sa.
Pu ki nu reysi gayn sa liberte la, fode dimunn dan pozisyon lidership politik, kuma ou-mem, azir pu promuvwar lang Kreol ki, apre tu, li lang maternel preske tu dimunn. Li osi vernakiler pei la. Dapre statistik ofisyel, plis ki 90% dimunn Repiblik Moris dir zot koz Kreol normalman dan lakaz. Zordi li’nn vinn lang nasyonal Repiblik Moris. Kuma ou sorti deor lor lari, ki li dan lakanpayn, dan lavil, lor lakot, dan tu lil nu Repiblik, samem lang ou tande. Depi lor bistop ziska dan bis, lagar Metro ziska dan Metro, dan tu minibis, lor totalite sayt travay dan pei, kot dispanser, dan brek lekol, dan spor, dan lar, partu kote. Nu tu nu koz Kreol. Li realite nu pei.
Samem lang Kreol la, pu nu, dimunn Moris, li nu zuti natirel “konpran realite nu lavi tulezur otur nu”. Langaz Kreol, li “konstitye” nu lintelizans. Sa, li kuma tu langaz maternel. Setadir, nu konpran lemond exteryer atraver nu langaz natirel, Kreol. Anplis, nu dekod lemosyon ki nu santi atraver sa langaz Kreol, nu kalibre nu santiman, tu, an Kreol. Nu reflesi dan lang Kreol. Nu panse pli intim, pli profon, li an Kreol. Nu kree e nu exprime an Kreol. Nu alez ladan, lib pu reflesi ladan, lib pu koze ladan. E nu reflesi, osi, lor nu lide – an Kreol. Nu reve dan lang Kreol kan nu dormi aswar. Eski nu kapav imazinn sosyete Moris opere san lang Kreol? Okenn sekter pa kapav fonksyone san langaz Kreol. Sistem zidisyer pa pu fonksyone ditu san Kreol. Istasyon lapolis mem pa pu marse. Konsiltasyon ar dokter pu inposib, mem danzere, si li pa an Kreol. Sistem transpor li fonksyone an Kreol. Okenn servis esansyel pa kapav deliver san lang Kreol. Nu finn kapav petet kumans temwayn sa klerman pandan lepok kriz pandemi Kovid-19. Langaz Kreol ti enn zuti efikas, e anfet ti inkonturnab, pu konbat lepidemi Kovid, e pu protez lasante tu abitan kont enn viris ki ti osi danzere a-lepok e ki finn tuy par milyon dimunn dan lemond. Pena kanpayn elektoral, ni derulman eleksyon san itiliz lang Kreol. Nu bizin langaz Kreol pu rul sosyete, pu fer sosyete rule. E nu bizin sweyn li.
Remarke ki seki nu pe dir se ki langaz maternel, li buku plis ki enn mwayin kominikasyon.
Anterm biolozi, langaz maternel li zuti natirel ki tu imin posede kolektivman pu “reprezant”, dan nu servo, dan nu laservel, teknikman parlan, samem realite kotidyin ki nu pe viv tulezur, ki nu okuran atraver nu 5 sans. Nu biolozi imin inn-ne permet devlopman sa zuti natirel ki langaz maternel ete. Li zuti natirel, osi, pu “reprezant” andan dan nu latet, tu lemosyon nu resanti. Kumsa nu, imin, nu aprivwaz nu lemosyon. Lang maternel li zuti natirel pu “reprezant” andan dan nu latet nu prop lide lor tu seki nu panse – apel sa “meta-refleksyon”. Li nu zuti natirel pu “reprezant” dan nu latet seki lezot dimunn panse, dir, ekrir. Kumsa ki imin vinn “dimunn rezone” (thinking beings). Par kont Raoul Rivet ti dir, e li grave lor so stati Zardin Konpayni, “Je dois a la France d’etre un homme pensant.” Sa reprezant enn lespri kolonize. Dan LPT, nu pe propoze ki nu plito mazine ki, “Nu dwa langaz Kreol ki nu dimunn nu rezone.”
Pandan kanpayn elektoral, li enn lokazyon pu tu dimunn reflesi. Nu tu aprann seki diferan parti politik, diferan lalyans, pe propoze dan zot program. Pu sa, politisyin deza itiliz langaz ki tu dimunn Moris servi, konpran, e konpran avek enn degre presizyon ki inikman imin.
Apel pu Itiliz Kreol Ekrit dan Kanpayn
Etan done zordi ena enn lortograf an-komin pu langaz Kreol, nu fer lapel pu tu Parti anfet servi Kreol ekrit, osi byin ki Kreol oral, pandan kanpayn elektoral. Sa pu reprezant enn pratik politik diferan pu laplipar parti.
Preske tu program radyo, ki oral, e tu deba politik lor MBCTV e lezot medya, ki osi oral, derul dan langaz Kreol deza. Nu fer enn apel formel ki ou parti/lalyans fer li vinn enn pratik, apartir aster, pu servi lang Kreol osi pu seki ou ekrir, antan ki parti.
Zordi kondisyon reyni pu ki lang Kreol kontiyn fer progre. Nu ena 2 propozisyon, osi, pu ou Program pu Eleksyon Zeneral.
1. Lasanble Nasyonal
Ena sifizaman materyel, sifizaman zuti neseser pu ki lang Kreol servi dan Parlman. Purtan li tuzur interdi. Nu pe fer enn demand formel vizavi ou parti ki ou pran enn langazman pu lev interdiksyon Leta kont lang Kreol dan Lasanble Nasyonal ek dan tu linstans demokratik. Nu lang maternel ankor interdi dan plas kot depite, ki nu-mem nu elir, syeze. Zot reprezant nu laba. Alor, li swiv ki zot bizin koz nu langaz laba. Servis sivil pu oblize swiv lexanp ki Lasanble Nasyonal done.
Alor, LPT fer apel pu ki ou Parti uswa lalyans politik met dan ou program amandman pu anlev tu baryer ki anpes lang Kreol servi dan Parlman. Sa inplik osi amandman Konstitisyon pu anlev kriter langaz ki antrav drwa demokratik dimunn Moris pu syez dan Parlman. Anmemtan, sa kriter literesi, li osi, bizin anleve. Li pa demokratik.
2. Preskoler, Lekol, Kolez, Liniversite
Kote ledikasyon, LPT fer apel ki ou Parti pran enn langazman pu aret represyon Leta dan sa domenn la kont langaz Kreol, enn represyon ki tuzur reste depi lepok kolonyal. Li bon ki Kreol Repiblik Moris deza anseyne dan lekol kuma enn size opsyonel. Me li pa sifi. Bizin aret siprim lang maternel kuma medyom dan lekol parski sa represyon la li fer ditor zanfan. Li fer ditor kognitif, ditor intelektyel, ditor emosyonel ek ditor kiltirel. Li grav. Sa ditor la pe fer, e pe kontiyne fer, kont lansanb zanfan lekol, setadir kont tu zanfan san distinksyon. Seki gayn difikilte aprantisaz, li sufer. Seki briyan, li paret briyan parski li oblize aprann par ker akoz li pe oblize akerir konesans dan enn langaz ki pa pu li, ki pa pu so lanvironnman sosyal. Sa vedir zanfan briyan sufer, li osi.
Kan Guvernman kontiyn siprim lang Kreol dan lekol, li pe interfere ar sa prosesis natirel dan devlopman kapasite refleksyon sak zanfan, enn kapasite imin ki epannwir selman dan langaz maternel. Zanfan ariv ot-nivo, kote kognishenn, dan so prop langaz maternel. Lerla, plitar, tu lezot langaz kapav ariv, byin vit, mem nivo. Si siprim lang maternel, anfet liantrav devlopman miltileng ki ot-nivo parmi etidyan. (Si ou anvi prev pu sa, fer nu kone. Nu pu fer ou gayn kopi zizman dan nu Hearing Internasyonal lor Ditor ki Zanfan Sufer kan Siprim so Langaz Natirel dan Lekol.)
Alor, nu formelman fer apel ar ou Parti ubyin Lalyans pu inklir itilizasyon Lang Kreol kuma medyom dan sistem ledikasyon. Sa vedir ki liv lekol pu an Kreol, sa vedir evalyasyon, inklir lexame, li pu an Kreol. Liv ek lexame kapav an versyon bileng pandan enn peryod letan kuma 10 an, setadir Angle ek Kreol, pu permet enn tranzisyon an suples. Sa sanzman la pu permet enn nivo intelektyel pli ot ki ena zordi pu sak size dan lekol. E sirtu, li pu aret ditor ki tu zanfan lekol Repiblik Moris pe sibir, dan so devlopman kognitif.
Avek nu meyer salitasyon,
Alain Ah Vee
Pu LPT (Tel: 208 5551, 5932 9002)
PS: Konteni sa let uver la li inspire par enn lot let uver anfaver lang maternel ki 2 ekrivin koni, Ngugi Wa Thiong’o ek Boubacar Boris Diop finn adres nuvo prezidan Repiblik Senegal Bassirou Faye an Me 2024. (Kopi zot let atach.)
Open Letter from Ngugi Wa Thiong’o and Boubacar Boris Diop to new President of Senegal
Your Excellency President Bassirou Diomaye Diakhar Faye,
Allow us to introduce ourselves to you before getting to the heart of what we have to say. We are Ngugi Wa Thiong’o from Kenya and Boubacar Boris Diop from Senegal. Both novelists and essayists, our best-known books are respectively Decolonizing the Mind: The Politics of Language in African Literature. (1986) and Murambi, le livre des ossements(2000), about the genocide perpetrated in 1994 against the Tutsis in Rwanda. But the most important thing to emphasize with regard to the motivations behind this open letter is that we have not exclusively published works in English and French – the languages of the former colonizers – but also novels – including Matigari (1986) and Bàmmeelu Kocc Barma (2017) – in our mother tongues, Kikuyu and Wolof.
Congratulations on your assumption of power as the new President of the Republic of Senegal. Our congratulations also go to your Prime Minister and brother in arms, Mr. Ousmane Sonko. With this brilliant election, which not one of your rivals contested, the Senegalese people have not chosen you as their master but as their servant. We have no doubt whatsoever that you will live up to this expectation. We have never met in person but all Africa, indeed the world, has met you and we know that your youth gives Africa hope. That’s why we are writing to you as both your African elders and admirers.
Up to now, except for a few leaders like Kwame Nkrumah, the African leadership has betrayed African people. They have simply normalized the abnormalities of Colonialism and neo-colonialism which is simply the Africanization of the colonial system. Our resources have continued to develop Europe and the West. As we only look up to the West, one wonders where our inventors are? Our engineers? Our space explorers?
Africa longs for a leadership that can fire the imagination of the continent’s youth. But we cannot do that when our leadership simply mimics, always imitating the West, with no belief in ourselves, in our people. You are in a position to steer Senegal onto a new and different path towards a collective self-confidence, relating to the world on the basis of equal give and take. But if you choose that path, you will create enemies in the West. The West wants an Africa that always gives to Europe and the West.
Don’t accept an inequity which will be at the expense of your people. And if they demonize you for that, just don’t care, don’t accept any other judge than the Senegalese people.
Let us now share a few thoughts. We’ve chosen to focus on the languageproblem because as writers we’re familiar with it, but also because, in our humble opinion, the resolution of the language problem is a prerequisite for any economic, political, social, and cultural revolution and therefore for the well-being of your compatriots.
These are some points we want to stress:
1.Your Power is the Senegalese people. You defend them, they defend you. You speak to them they speak to you. But you cannot do that using a language they can’t understand. It is as simple and self-evident as that.
2. Senegalese languages must be the bedrock of the new Senegal. Every Senegalese has a right to their mother tongue. Avoid hierarchy of languages. So, mother tongue first, be it Pulaar, Seereer, Soninke, Wolof Mandinka or Joolaa or any other language spoken in Senegal. But if one Senegalese language, say Wolof, becomes the language that enables conversation among all the other Senegalese languages, that is good. The language policy: Mother tongue first. Then say, Wolof. Then say Swahili, French etc.
If you know all the languages of the world, and you don’t know your mother tongue, that is mental enslavement. But if you know your mother tongue, and add all the languages of the world to it, that is empowerment.
3. Encourage translations among Senegalese languages. This is a particularly important point for us. To that end, set up a national interpreting and translation center that would enable a symbiosis and a cross-fertilization between the languages of your country, and between them and the languages of Africa and the world. Your Excellency, many Africans appreciated the fact that during your first official visit to the Gambia, you and President Barrow spoke directly to each other in Wolof.
We also know that, unlike your predecessors, you make most of your speeches in both French and Wolof, and we think that’s exactly the right thing to do. Make your speech in a Senegalese language and then make it available in all the other Senegalese languages. And then in French etc. At the United Nations, speak in a Senegalese language. You can have it translated and or interpreted into French or English, as necessary. In other words, do what all other Presidents in the world do; they make their speeches in their languages. In France, with a French President, speak to him in a Senegalese language. You have an interpreter with you etc.
In short, please invest in the Senegalese languages. And this must start with the repeal at the earliest opportunity of the strange article 28 of the Senegalese Constitution, which requires all presidential candidates to be able not only to speak but also to read and write French.
4. Organize the Senegalese farmers and workers. Fire their imagination. They are your defenders. Don’t worry about all the self-proclaimed elites who have so much to lose in the development of your country’s languages, and who are multiplying maneuvers and specious arguments to derail the train of History.
5. The works of Sembène Ousmane, especially God’s Bits of Wood, and those of other literary giants like Cheikh Hamidou Kane should be available in all Senegalese languages. As for Cheikh Anta Diop, his books should be taught in all Senegalese schools
6. Progressive literatures from Africa and the rest of the world should be made available in Senegalese languages and also taught in Senegalese schools and universities
7. Senegal first. Then Africa. Then Asia and Latin America. Then Europe etc. This should be reflected in the country’s educational system.
8. Senegal must become a nation of thinkers, inventors, manufacturers, explorers, a nation of makers of things, relating to the world on the basis of equal give and take.
These are, Your Excellency, just a few thoughts from two African compatriots and well-wishers from Kenya and your beloved Senegal.
Respectfully yours,
Ngugi wa Thiong’o and Boubacar Boris Diop
