Rishi Sunak enn ku Sonn P. Jugnauth mem zur Moris pran Laparol divan ICJ
24.02.2024
Mem zur ki Repiblik Moris pu temwayne divan ICJ (Lakur Internasyonal Lazistis) lor ka kont Israel pu so lokipasyon ilegal Palestinn, ala ki Premye Minis Gran Bretayn anonse lor so prop websayt:
“PM call with Mauritius Prime Minister Pravind Jugnauth: 22 February 2024
“The Prime Minister [Rishi Sunak] spoke to Mauritius Prime Minister, Pravind Jugnauth, this morning.
“From: Prime Minister's Office, 10 Downing Street and The Rt Hon Rishi Sunak MP
“Published: 22 February 2024
“The Prime Minister spoke to Mauritius Prime Minister, Pravind Jugnauth, this morning.
“The Prime Minister wished Prime Minister Jugnauth well whilst the country was experiencing the effects of Cyclone Eleanor.
“The leaders assessed the progress made so far in the negotiations between Mauritius and the UK on the exercise of sovereignty over the British Indian Ocean Territory/the Chagos Archipelago.
“The Prime Minister reassured the Mauritian Prime Minister that the UK remains committed to a mutually beneficial outcome on BIOT and their teams look forward to continuing to work on this.” -- Sa “press release” la ti pibliye lor Websayt Guvernman UK.
E anfet Anbasader Jagdish Koonjul ek Avoka Pierre Klein ti koz bann koze konsernan “negotiations” sa mem-mem tanto la divan ICJ. Seki zot ti kapav azute dan zot prestasyon exelan divan ICJ, se UK konn negosye kan ICJ obliz li, e li kapav negosye, kuma li abitye depi plis ki 50 an, an-movez-fwa. Me, sa ti pu laliyn LALIT, pa laliyn MSM.
Pretex Rishi Sunak pu lev so telefonn, fer enn korl enn kut-antret, e apopro naryin ditu, ti pu li exprim so swe pandan “Siklonn Eleanor”. Pretex la ti osi feb ki siklonn la limem. Li ti anfet teknikman enn Tanpet Tropikal, pa mem enn siklonn. E so lefe ti minim. Li ti pe sey bare kont pa-kone-ki-zafer ki Anbasader Koonjul ubyin Avoka Klein ti kapav dir divan lemond antye lor Chagos, inklir Diego Garcia, ki, kuma Palestinn, okipe militerman e ilegalman pu mem nomb lane, an-efe, par USA-UK. Dan ka Palestinn, USA-UK apiy lor Leta Israel pu fer so travay sal. Li, USA-UK, li organiz “Lakor Abram” avek bi pu aneantir Palestinn, lerla Netanyahu amenn map dan Nasyon Zini pu montre sa aneantisman.
