Ledikasyon lor Listwar Moris - Ekut temwayaz Desiré Carré!
17.09.2023
LALIT konsey tu dimunn ki anvi gayn enn lide kimanyer lalit ti ete Moris kumansman bann lane 1970 kan muvman MMM ti pe pran nesans, al ekut 25-minit temwayaz video Desiré Carré. (Li lor enn sit MMM lor youtube - get linnk anba).
Byin vo lapenn ekut li rakonte!
Kumsa u pu gayn enn bon introdiksyon enn laspe kimanyer enn gran muvman pran nesans. So reynion, so kol lafis, so sindika, so manifestasyon, e so konpreansyon lor rezon profon kifer pe amenn sa lalit la. Li rakonte depi pwindevi enn militan ki ti osi enn gard-kor angaze. Desiré Carré li enn dimunn ki anmemtan konn rakont zistwar vre avek enn talan, anmemtan konn koz langaz Kreol avek enn lar e san kurbe divan langaz Franse kuma tande tulezur lor radyo ek MBC par seki li pu petet apel “bann kostime”.
So temwayaz li enn veritab bizu.
