Mauritian organisation in Solidarity with Palestinian People set up (in Kreol)
23.12.2020
SOLIDARITE MORISYIN AVEK LEPEP PALESTINYIN
Non a Apartheid Israel!
Sa lafin lane, ena 10 lorganizasyon ek 42 individi ki finn lans enn nuvo fron pu travay ansam: Fron la apel “Solidarite Morisyin Avek Lepep Palestinyin: Non a Apartheid Israel!” (SOMALP). Sa lalist fondater, li finn finalize le 30 Desam 2020.
SOMALP pe pran nesans dan enn nuvo kontex grav pu lepep Palestinn. Prezidan USA Donald Trump finn fer blok ar Prins Mohammed Bin Salman ek Premye Minis Israel Netanyahu – avek bi pu anmemtan viz dominn lepep Palestinn anmemtan rod “normaliz” relasyon Israel avek lemond Arab, setadir ansyin alye Palestinyin.
Anmemtan, li etranz, me ena buku lespwar. Muvman Boykot, Dezinvestisman, Sanksyon (BDS) onivo mondyal finn izol Israel tan ki li okip Palestinn ilegalman. Dan Leta Zini, ena buku sutyin pe devlope pu lepep Palestinyin, e pu premye fwa gran gran lorganizasyon relizyon Zwif pe opoz kolonizasyon Israel. E asterla, onivo mondyal pe ena enn nuvo ofansiv pu fer dekret leta Israel enn “leta apartheid” – apartheid, depi 1966, li enn krim kont limanite dapre Nasyon Zini. Li dan sa kontex la ki nu pe fer fondasyon sa nuvo fron komin dan Moris.
Li dan sa kad la ki ti ena enn sware flanbo solidarite Samdi 28 Novam. SOMALP pe met dibut kuma enn swit sa rasanbleman la. Ansyin Komite BDS pu absorbe dan SOMALP.
Organization manb Fondater
Confederation of General Trade unions (Vinod Seegum)
Confederation des Travailleurs des Secteurs Publique et Privé (Reeaz Chuttoo)
Mauritius Labour Congress and All Workers’ Federation (Haniff Peerun).
Federation of Parastatal Bodies and Other union (Deepak Benydin)
Dr. Idrice Goomany Treatment Centre (Samad Abdus Dulloo)
Consumer Advocacy Platform (Mosadeq Sahebdin)
Chagos Refugees Group (Olivier Bancoult)
Muvman Liberasyon Fam
LALIT
Individi Manb fondater
Cassam Uteem
Ragini Kistnasamy
Firoza Dilmohamed
Kavi Pyneeandy
Gopalen Chellapermal
Clement Bordelais
Rehza Khan
Norman Tambanivoul
Khalid Gareebun
Rama Poonoosamy
Vinesh Hookoomsing
Alain Fanchon
Marie Ange Fanchon
Gary Homet
Amyot Perrine
Rajendra Ramen
Danny Le Merle
Ahmad Tallybally
Rada Kistnasamy
Rajni Lallah
Imran Dhanoo
Alain Ah Vee
Sudha Ramen
Francis Jolicoeur
Laval Yves
Christian Batour
Rashid Denmanode
Audrey Noel
Anouchka Cindy Clelie
Anne-Marie Joly
Sultana Begum Budulla
Anne-Marie Hypolite
Abdool Nabee
Akshay Seepargauth
Pushpa Lallah
Georges Clement Herchenroder
Nuhaa Tallybally
Nabiilah Tallybally
Lindsey Collen
Ram Seegobin
Jean-Claude Bibi
Roland Fozoo
Kapav kontakte SOMALP lor- 208 5551
