Galleries more

Videos more

Audio more

Dictionary more

The Quarantine Bill: Relies upon Repression instead of on Reason (in Kreol)

12.05.2020

Bil lor Karantenn fye lor Represyon olye Larezon


Dan sa Bil lor Karantenn la (Quarantine Bill) ena pinisyon ek puvwar absoliman drakonyin ki pe al mete dan lame Premye Minis ek dan lame lapolis, e sa li konsern tu laspe lalwa.


Seki grav ladan, se kan Premye Minis fini dir dimunn bizin res lakaz, e fini inpoz kondisyon, sa osi, li otomatikman inklir kan u al kont li, kuma enn “ofans”.


Nu pe propoz tir kloz puvwar lapolis pu aret dimunn zis akoz li andeor so lakaz. Nu propoz les lamann la kuma avan – e sa osi, san ki li al lor sertifika moralite. Kifer nu pe dir sa?


Fode pa nu krwar, kuma MSM-ML-Transfiz dir, ki menas prizon 5 an ubyin met lamann absird kuma Rs500,000 si enn dimunn sorti dan so lakaz pandan lepok karantenn andeor so zur pu li al sipermarket -- ki li kumsa nu pu anpes enn lepidemi fane. Non! Li grav. Sa li pe instor enn leta polisye. Sa pe servi represyon pu enn zafer ki napa bizin represyon. 


Fode enn Guvernman kapav vinn explik dimunn, konvink dimunn, perswad dimunn, par lozik, par rezonnman, par puvwar laparol lor nesesite respekte enn karantenn. 


Se sa ki anfet marse, anplis.


An partikilye, nu pe truv li grav kan met ansam sertin deli relativman miner kumsa, e pe donn e lapolis e lakur puvwar pu aret e ferm dimunn. Nu pe sit 3 seksyon lalwa, ki ansam, absoliman inakseptab.


Seksyon 3: Puvwar Premye Minis


[He may] Section 3 (1) (b) “order that all persons shall remain indoors – (i) within such area and during such period; and (ii) under such terms and conditions, as he may specify”.


Seksyon 12. Ofans


Any person who – ...


(d) refuses or willfully omits to do an act which he is required to do by this Act; ...


(e) refuses or willfully omits to carry out a lawful order, instruction or condition made, given or imposed by a person acting under the authority of this Act; or ...


(h) otherwise contravenes this Act or any regulations, Order or notice under this Act, shall commit an offence and shall, on conviction, be liable to a fine not exceeding 500,000 rupees and to imprisonment for a term not exceeding 5 years.


Li pa an proporsyon, e li enn puvwar absird ki Lasanble Nasyonal, si li vote, pe al met dan lame lapolis ek lakur.


Seksyon 11: Puvwar Lapolis


Puvwar arestasyon par lapolis san warant – li exsesif vivazi sa drwa sorti dan lakaz.


 


Lindsey Collen pu Lalit