Zur 37 – Sif Statistik donn Konparezon Epidemyolozik Valab
26.04.2020
Bon nuvel onivo lokal, li nuvel epidemyolozik. Dan Pres-Brifing, Dr Zouberr Joomye, pu kit rezon (kitfwa li enn transfiz ek lerla, li enn kandida bati dan dernye eleksyon), portparol Guvernman finn anons sif kle ki nu dan LALIT nu ti pe atann setadir komye lamor, mwa par mwa, pu 2019 ek 2020. Sa, li ti enn repons a enn kestyon depi Lapres. Sif montre pena okenn siyn ki Kovid 19 li andeor-kontrol ek pe fane dan enn fason invizib parmi popilasyon.
Enn nuvel inportan par limem. E, akse a tel data ede pu kontre plizyer deklarasyon iresponsab Navin Ramgoolam. Li, usi, permet kontre rimer fane par sertin media ek par piper/inflianser lor internet, ki pe persiste fann enn espes lafreyer surnwa ki komkwa sif ofisyel Guvernman pe kasyet enn imans “aysberg” ka Covid 19, ek zot al ziska alege ki pe kasyet ankor lezot dese. Sa kalite rimer trape kuma dife-dan-kann parmi dimunn ki pa konn servis lopital gratis, iniversel ek zot konpletman inyoran lor sa servis exselan sekife zot al gob tu kalite invansyon farfeli. Pu rann tel insinyasyon ek rimer ankor plis nefast, seki, anfet, ena vre danze kan pa konn komye ka ena akoz kantite dimunn ki pa montre okenn sinptom me zot kanmem kapav fann maladi. Akoz li extra difisil pu teste enn gro seksyon popilasyon – sa li vre pu laplipar pei exsepte dan Sid Kore ek Lalmayn – finn alimant enn tel insinyasyon. Alor, ankor enn fwa, senn Guvernman la, anzeneral, pa inspir konfyans. Nu, dan LALIT, par exanp, nu akiz Guvernman li tro kurbe, kuma yesmenn, divan patron tablisman ek lezot gro-gro propriyeter later.
Me, asterla, sif inn pibliye. Pran enn minit pu etidye sa bann sif la:
2019
Jan Feb Mar Apr
983 826 930 845
2020
Jan Feb Mar Apr (ziska le 16)
915 826 906 446
Anplis, Guvernman finn, spesifikman, furni sif detaye kot lakoz dese li liye avek enn maladi Respiratwar
2019
Jan Feb Mar Apr
137 112 145 104
2020
Jan Feb Mar Apr (to 16 th)
96 110 129 56
Enn to mortalite inpe pli ba pu 2020 pa neseserman tro drol: lokdawn finn ena enn lefe lor anpes viris linfliennza ek lagrip fane – osi so lefe pozitif lor dimunn ki ena lezot konplikasyon lasante – ek pu’nn ena mwins aksidan larut ek aksidan travay. Lir tab lao ansam avek trwa seri sif koronaviris, total ka pozitif zur-par-zur (remarke kuma kurb pe aplati, ziska ler), nuvo ka pozitif zur-par-zur (inpe iregilye me avek enn
tandans pu bese, nu kapav atann pu ena plizyer nuvo fwaye isi-laba pu ankor lontan), ek total ka aktif (Moris diferan depi lezot pei akoz Leta admet tu ka pozitif dan lopital u institisyon-kuma-lopital) ki finn diminye ziska enn proporsyon plis fasil pu zere.
Pu u get tab, u kapav lir versyon dan Seksyon “Documents” u lor nu paz facebook. Sinon, u kapav lir data brit an kolonn san formating ki finn kole alafin lartik.
Ala konklizyon ki nu kapav tire pu lemoman, apre ki nu finn etidye data furni:
1. Lokdawn (li inklir enn semenn kuvfe total) li ti zis atan, ek finn kontribiye pu aplati ek fer diferan kurb pu bese ver anba, ki vedir finn resi kal viris ek anpes li propaze. Sa li gras a lepep Moris ki finn konpran linportans lokdawn, malgre ki Guvernman pa finn konn vinn explike avek klarte, e malgre ki li enn Guvernman ki dimunn tolere ki afer, e li pa tro popiler (rapel ki mem si dan eleksyon zeneral an Novam, zot finn eli avek 2/3 syez dan Parlman, zot pa finn kapav relev labar pu fer sa selebrasyon obligatwar, enn miting remersiman nasyonal!)
2. Lamas dimunn Moris finn zer regleman distans saniter, finn met mask kan sorti lor sime, lav lame suvan ek evit tus-tus figir. Sa labitid iniversel, shekenn tulezur, finn disparet konpletman. Donn ba lor lazu finn osi disparet. Mo finn fer remarke mem dimunn li port mask, zot tuse ek terne andan zot kud ploye. Li’nn vinn enn pratik ordiner pu ponp sanitayzer lor u lame ubyin u legan de fwa avan u rant dan sipermarket ek ziska pran u tanperatir lor linto sipermarket.
3. Guvernman met dimunn, sirtu dimunn ki finn kapav expoze a viris (sorti lot pei, travay dan lopital), an karantenn dan lotel vid konverti an sant karantenn, finn usi byin inportan pu kontrol viris.
4. Sa mezir exepsyonel pu admet tu dimunn Kovid-19 pozitif, mem seki asinptomatik, finn konsolid sa kontrol ankor plis.
5. Seki finn lakle reysit (ziskaler) kapav dir, li lekip “retrase-teste” dan Moris – ki finn lerla permet izolasyon total dan lopital tu seki teste pozitif, setadir inklir mem dimunn ki pena okenn sinptom.
6. Lokdawn atan finn anpes viris rant dan Rodrig ek Agalega.
Ena enn lot bon nuvel onivo lokal. Sa, li enn risponns a tole, sindika, nu dan LALIT, lorganizasyon konsomater ek lezot, finn leve kont pri exazere lartik debaz. Asterla, ena enn lalis plis elarzi lartik avek pri kontrole. Lor link anba, u kapav get lalis lartik (permye lalis).
https://www.lalitmauritius.org/modules/documents/files/LalitMauritius-f9b902fc3289af4dd08de5d1de54f68f.pdf
Ena enn dezyem lalis anonse dan Pres-Brifing yer ki pe rant anviger apartir zordi.
Di kote Ragoo Lane, lor fennsing divan, nu ena enn zoli pom-deler ki’nn pare pu rekolte. Li enn manze debaz plis extraordiner ki ena. Li konpletman otosifizan, setadir li okip limem. Parey kuma pu buku lezot legim, li paret sorti depi Lamerik Latinn. So sel problem se li enn anvahir partu, alor bizin plant li dan enn drom pu kumanse ziska u konpran plant so manyer byin.
Lindsey Collen
pu LALIT. enn pwindevi personel
Tradiksyon: BK
Dat Ka Pozitif
18-Mar 3
19-Mar 7
20-Mar 12
21-Mar 14
22-Mar 28
23-Mar 36
24-Mar 42
25-Mar 48
26-Mar 81
27-Mar 94
28-Mar 102
29-Mar 107
30-Mar 128
31-Mar 143
01-Apr 161
02-Apr 169
03-Apr 186
04-Apr 196
05-Apr 227
06-Apr 244
07-Apr 268
08-Apr 273
09-Apr 314
10-Apr 318
11-Apr 319
12-Apr 328
13-Apr 324
14-Apr 324
15-Apr 324
16-Apr 324
17-Apr 324
18-Apr 325
19-Apr 328
20-Apr 328
21-Apr 328
22-Apr 329
23-Apr 331
24-Apr 331
25-Apr 331
Dat Nuvo Ka
18-Mar 3
19-Mar 4
20-Mar 5
21-Mar 2
22-Mar 14
23-Mar 8
24-Mar 6
25-Mar 6
26-Mar 33
27-Mar 13
28-Mar 8
29-Mar 5
30-Mar 21
31-Mar 5
01-Apr 18
02-Apr 8
03-Apr 17
04-Apr 10
05-Apr 31
06-Apr 17
07-Apr 24
08-Apr 5
09-Apr 41
10-Apr 4
11-Apr 1
12-Apr 5
13-Apr 0
14-Apr 0
15-Apr 0
16-Apr 0
17-Apr 0
18-Apr 1
19-Apr 3
20-Apr 0
21-Apr 0
22-Apr 1
23-Apr 2
24-Apr 0
25-Apr 0
Dat Ka Aktif
18-Mar 3
19-Mar 7
20-Mar 12
21-Mar 13
22-Mar 26
23-Mar 34
24-Mar 40
25-Mar 46
26-Mar 79
27-Mar 92
28-Mar 100
29-Mar 105
30-Mar 125
31-Mar 138
01-Apr 155
02-Apr 162
03-Apr 179
04-Apr 189
05-Apr 220
06-Apr 233
07-Apr 253
08-Apr 247
09-Apr 284
10-Apr 286
11-Apr 282
12-Apr 277
13-Apr 264
14-Apr 261
15-Apr 247
16-Apr 231
17-Apr 204
18-Apr 133
19-Apr 108
20-Apr 92
21-Apr 73
22-Apr 56
23-Apr 53
24-Apr 34
25-Apr 24
