Galleries more

Videos more

Dictionary more

LALIT comments on Supreme Court judgement concerning Pravind Jugnauth's appeal (in Kreol)

27.05.2016

LALIT truv li inportan ki nuvo zizman Lakur Siprem rande yer par Sef Ziz Matadeen ek Ziz Caunhye dan ka Pravind Jugnauth anfet vinn ranvers enn zizman ase trakasan rande lane dernyer par 2 Mazistra. A lepok, gete ki nu ti mete lor nu websayt:


  “[Pravind Jugnauth] was prosecuted, and has been found guilty, not for being involved in choosing to buy Medpoint, in which his sister has shares, not for being involved in fixing the value of the Clinic, but because he signed, as Minister of Finance, for the re-allocation of funds to buy the Clinic. Either POCA, under which Pravind Jugnauth was prosecuted, is making an “ass” of the law by locking people up on technicalities, or the [magistrates] believe that an accused can be guilty of an offense carrying a prison sentence without mens rea, a “guilty mind”, and despite the fact that the [magistrates] themselves admit he had bent over backwards to avoid being in a situation of conflict of interest.” (www.lalitmauritius.org 18 Ziyet 2015)


 Anfet, sa pwin ki nu finn mansyone, li enn pwin filozofik santral dan zizman lapel, setadir –


 - Pu ki kikenn “kupab” enn ofans kriminel, fode ki li ena seki an Latin apel mens rea, ubyin enn lespri kupab, kuma nu finn dir an Ziyet lane dernyer. Li pa kapav truve kupab, sirtu dan ka enn deli grav, par enn fot teknik. Sa ti pu enn presedan extreman danzere.


 Asterla, Pravind Jugnauth fini re-nome kuma Minis. Sannkut la li Minis Finans. Me, antretan, Guvernman dan lekel li manb finn dan enn seri gran problem. Pli gran problem se mank enn stratezi ekonomik pu kree prodiksyon e sirtu pu kree travay pu tu kalite metye, dan prodiksyon.


 Demokrasi pa birokrasi !


Anfet buku konfli politik inportan, LALIT remarke, pa pe futi rezud dan enn fason demokratik, me plito, malerezman, dan enn fason birokratik. Realite politik inportan pe deside par Lakur Siprem, kuma dan sa ka la, ubyin seki grav, par enn instans puvwar birokratik, administratif, parfwa represif : CCID, Equal Opportunities Committion, ICAC, e plitar ankor 2 nuvo instans dan Minister Bhadain.


 Sa tandans pu rezud konfli politik atraver sa bann espes Bord ek Komisyon, ek brans lapolis, li pa bon ditu. Samem kifer LALIT revandik drwa revok depite  ki finn fane, olye travers par tu kalite linstans birokratik, represif.


Alain Ah-Vee, pu LALIT


25 Me 2016