Galleries more

Videos more

Dictionary more

2 Tranblemandeter le 29 Mars, enn Diego Garcia ek enn Guam

31.03.2011

Dapre biltin U.S. Geological Survey pibliye lor so sayt avantyer Mardi 29 Mars 2011, ti finn ena a 4:58 p.m. enn tranblemandeter avek magnitid 4.8 dan rezyon Chagos, 362 mil depi Norwes Diego Garcia, kot ena enn baz milter Amerkin lor later Moris.

Mem biltin raport enn lot tranblemandeter a 6:03 a.m. avek magnitid 5.0 dan rezyon Guam apepre 79 mil depi Haganta, kapital Guam. Lor lil Guam usi ena enn baz militer Amerikin.

Sa li byen trakasan kan nu kone ki trambleterdeter e tsunami devastatris dan Zapon 2 semenn de sela ti anfet provok tsunami dan rezyon Guam. De sumarin nikleer Ameriken USS Houston and USS Corpus Christi finn perdi zot muyaz. Dapre temwanyaz ofisyel Lamarinn Amerikin, finn pran 5 a 6 zertan pu resi reamar sa 2 sumarin la.

Nu demand pu ferm baz militer li pe vinn ankor plis irzan. Dayer, nuvo Trete UN Pelindaba rann tu zarm nikleer dan Lafrik ilegal. E Diego, etan form parti Repiblik Mauritius, li osi form parti Lafrik.

Surs : http://earthquake.usgs.gov/earthquakes/recenteqsww/Quakes/quakes_all.html
Surs : http://www.guampdn.com/article/20110312/NEWS01/110312005/UPDATE-Tsunami-shook-two-Navy-subs-loose-from-moorings-tugboats-recovered-submarines-without-damage