KOMINIKE LALIT
ELEKSYON PARSYEL DAN No. 7
VOT KONT MSM-MMM
VOT BILTIN BLAN
Lalit fer enn lapel a elekter dan sirkonskripsyon
No.7 pu vot biltin blan dan eleksyon parsyel ki pu ena le 21 Desam. Par vot biltin blan, li pu sinifye ki nu pe
rezet politik ki MSM-MMM finn amene sa 3 dernye lane.
10
rezon kifer bizin vot kont MSM-MMM
- Ogmantasyon
pri enn seri item de baz ki klas
travayer ek dimunn mizer servi. Minis Finans Berenger finn ogmant TVA par
50% e finn osi etann sa tax
regresif la lor bann servis. Antretan dimunn ris pe vinn pli ris, dimunn
mizer pe vinn pli mizer.
- MSM-MMM
responsab pu enn politik ekonomik ki atak lanplwa – avek lisansiman massif
dan zonn frans ek VRS dan lindistri sikriyer. Zordi sif somaz dan pei pe ogmant e pe depas 10%.
- Retar
konsiderab dan konstriksyon lozman sosyal kot olye ti bizin livre 3,000
lakaz diran 3 zan, zordi pa mem finn livre 1,000 dan 3 zan.
- MSM-MMM
responsab pu vot lalwa represif kuma POTA ki atak drwa imen ek drwa a
lazistis.
- MSM-MMM
finn aboli eleksyon vilaz e pe met
enn sistem eleksyon rezyonal ki
diminye demokrasi e ki favoriz bann parti ki ena sutyin gro posedan.
- MSM-MMM
finn uver sime a tu kalite deal avek muvman kominal ek integris ki kree
bann kondisyon sosyal dan pei ki potansyelman explosif ek danzere.
- MSM-MMM ena enn politik privatizasyon servis
esansyel kuma CWA, CEB, Lapos, ek Telefonn. MSM-MMM ena enn politik ki bayant dibyin piblik pu
permet sekter prive fer gro profi.
- MSM
–MMM pe menas pu atak drwa sosyal ek ekonomik kuma pansyon vyeyes ek sistem
lopital gratis. Bizin vot kont zot pu avoy mesaz ki u pa dakor.
- MSM-MMM
responsab dilapidasyon later agrikol ek patrimwann kolektif pu favoriz
lintere bann gro bizness. Sa pe fer bann dega ireversib a lanvironnman.
- MSM-MMM
avek konplisite patrona ek FMI pe menas pu demantle tigit aki ki ena dan
lalwa travay ki protez drwa travayer.
Nu nonpli dakor ar Travayis ek so lalyans sosyal ki
ena mem kalite politik e ki pa reprezant enn alternatif kredid.
Donk nu pe dimann tu elekter vot kont MSM-MMM par
vot biltin blan.
Rada Kistnasamy
Pu LALIT (15
Desam 2003)