Galleries more

Videos more

Audio more

Dictionary more

LALIT Open Symposium: Lindsey Collen on Violence Awaiting those Exposing Colonization of the Mind (in Kreol)

21.08.2018

Vyolans Vanzans kan u pran pozisyon Anti-Kolonyal


 Ledikasyon pu Travayer a-lepok ti fer enn chalennj kont enn lagazet meynstrim akoz enn so lartik ti devwal so “kolonizasyon lespri”. Chalennj LPT kont lagazet la ti poze, poli, ordiner. Me, sa kritik par LPT finn vinn provok enn ripost etonan – enn reaksyon vyolan net, isterik. Nu pu rakont sa evennman la, e analiz li, kuma enn indikasyon degre vyolans ki servi rutinnman pu prezerv “kolonizasyon lespri”, mem buku lane apre Lindepandans. “Lindepandans” pa donn okenn garanti lindepandans lespri. Liberasyon intelektyel, li enn travay ki tultan pe bizin fer. Kuma nu pu truve.


 Ki nesesite enn tel papye? Parfwa dimunn poz kestyon: “Abe kifer Leta pe tuzur siprim langaz maternel dan lekol?” Ubyin, zot dimande, “Kifer pa servi Kreol pu anseyn matematik, syans, listwar, zeografi? Kimanyer zanfan gayn akse a sa size la zis lor kondisyon li aprann langaz lekol?” Li paret inexplikab. E, kifer dimunn telman pasif lor la? Kifer nu aksepte sa. Mem kan li enn fe ki 67% dimunn dan pei anfet anfaver anseynman atraver Kreol (dapre Letid SOFRES, enn an 1976 e plitar enn dezyem, an 2009), dimunn pa reysi fors Leta inplemant sa demand la? Dan 2yem sondaz (SOFRES 2009), enn respons ar enn kestyon siplemanter montre ki sa dezir pu servi Kreol pu anseyn size konteni li la, malgre lefet ki 95% parmi dimunn ki finn partisip dan sondaz la pa ti mem okuran ki deza ena diksyoner an Kreol. Purtan ena enn depi 1984 (Kapav get sondaz 2009 dan liv biling 200-paz par LPT lor Langaz Maternel:  http://www.lalitmauritius.org/modules/documents/files/LalitMauritius-705f2172834666788607efbfca35afb3.pdf. )


 Explikasyon kapav an-parti akoz nerport ki individi, ubyin nerport ki grup dimunn, ki chalennj sa kalite restan kolonizasyon lespri (kuma anseyn size konteni atraver enn langaz ki pa langaz maternel), ripost la byin vyolan. Petet dimunn pa realiz degre sa vyolans la. Ni so “efikasite” trazik.


 Alor sa papye la, li pran enn sel lexanp, enn lexanp ase banal, ki ede pu explike kifer li pa fasil ditu pu tir dominasyon kolonyal depi nu sosyete – mem depi dan nu lespri – malgre 50 an finn pase depi Lindepandans. Rezon ki sa papye pe met divan se degre vyolans ki itilize pu anpes mem atir latansyon lor sa kolonizasyon lespri ki tuzur res anplas.


 An 1988, Lasosyasyon ki fer alfabetizasyon adilt e ki promuvwar langaz maternel, Ledikasyon pu Travayer (LPT), ti santi li oblize pran enn avoka, feu Me Kader Bhayat, trenn Le Mauricien ek so Redakter Ansef alepok Sydney Selvon, divan Lakur Lazistis – Lakur Intermedyer – pu difamasyon, swit-a ripost zot lagazet. Zot ripost ti telman vyolan kan nu ti tu sinpleman, par enn “Let a Redakter”, atir latansyon lekter Le Mauricien ver enn tipti lartik inpe leze lor paz 3 enn edisyon Le Mauricien ki ti devwal enn lespri kolonize ase tipik. Enn veritab ka seki Franz Fanon, Martinike ki ti enn revolisyoner e osi enn sikyat, ti apel “Peau noire, masques blancs” dan so liv ek mem tit an 1952.


 LPT ti, sa lepok la omilye enn kanpayn kont kolonizasyon kiltirel Franse, kont agresivite Lafrankofoni dan Moris, e sa ti lartik dan Le Mauricien ti donn nu enn lexanp plito komik, dan enn lapres gran sirkilasyon, pu fer enn pwin profon konsernan kolonizasyon internalize ki existe dan elit intelektyel Moris.


 Sydney Selvon ek Le Mauricien ti finalman prezant eskiz dan Lakur Intermedyer e an piblik.


 Alor, sa papye la donn enn lide a ki pwin dimunn ki eriz zot-mem kuma defanser kolonizasyon pare pu ale pu opoz dekolonizasyon, e pu sey inpoz silans lor seki kritik kolonizasyon intelektyel.


 Lartik orizinal ki nu dan LPT ti kritike li ti dan Le Mauricien 24 Septam 1988. Su tit “Nerveux? Prenez de ‘breaks’ comme les Anglo-Saxons”. Li pa ti siyne. Lartik la lir:


 “Il s’agit ici du break des Anglo-Saxons, la récréation de notre enfance scolaire.


 “La scène du thé de quatre heures chez les Anglais, ces dix minutes pendant lesquelles tout s’arrete dans le bureau ou dans l’usine, est loin de constituer uniquement une tradition. Elle est indispensable pour tout Anglais qui ne pourrait, sans elle, tenir nerveusement toute une journée.


Eh bien, si les Anlgais nous ont pris notre système métrique, volons-leur (ils ne nous en voudront pas tellement) leur break. Permettez-vous, deux fois par jour, deux petites récréations de six minutes. Une dans le matinée (voir vers 10-11h, par example) et une autre dans l’après-midi (vers 16-17h).


 “Ces heures ne sont qu’indicatives, tout dépend évidamment de vos horaires de travail.


Cette petite récréation doit durer à peu près dix minutes, c’est suffisant, au cours desquelles vous pouvez prendre un petit en-cas; point important, surtout dans la matinée, du fait de la déplorable habitude bien française de ne faire qu’un petit déjeuner fort succinct. Vous vous trouvez donc en “hypoglycémie”, et la prise d’aliments, en toute petite quantité d’ailleurs, vous permettra de ne pas être irritable. Un verre de jus de fruits, un morceau de sucre et un petit gâteau seront les bienvenus.


 “A l’école, les dix minutes de récréation nous faisaient un bien énorme pour notre attention et notre tension nerveuse. La suite de la classe était meilleure.


 “Les bienfaits de ces courtes récréations se feront sentir au bout de quelques semaines, a la condition que vous obligiez a vous y tenir, même si vous n’en éprouvez pas le besoin certains jours. Cela doit devenir une véritable habitude qui s’ancrera en vous pour toute la vie.”


 2 zur plitar, le 26 Septam, LPT ekrir Redakter Le Mauricien:


 “Dear Sir,


“In an article in Le Mauricien of Saturday 24th September on page 3, we find a classical example of the sad effects of generations of cultural imperialism on those suffering this domination. The editors of Le Mauricien permit themselves to see themselves as “French” (quite literally as little French men and French women). Without even realising it, Le Mauricien in an article entitled “Nerveux? Prenez de ‘breaks’ comme les Anglo-Saxons”, writes, “si les Anlgais nous ont pris notre système métrique”.


“Since when did anyone take over the metric system from Mauritius? The entire article is, in fact, a symptom of a hideous internalisation of French colonisation, as the rest of the article is pleading for tea breaks, when in Mauritius there is already a generalised system of tea breaks.


“This article shows the immense power of cultural imperialism over us and proves LPT right in our conducting a relentless battle against this most pernicious influence. The harm done by French cultural imperialism is particularly dangerous, as it seems to be so profound as to be invisible. “Yours sincerely,


“Alain Ah-Vee,


“Secretary.”


 The reply was as humourless as imaginable. But much more violent than you would think:


 “Notre Reponse


“Les bourgeois qui jouent et  écoutent du Chopin et du Massenet le soir devant des auditoires huppés et enrubannés, mais qui, le jour, déguisés en gauchistes enseignent le séga “engagé” et crient sus a l’Occident et a l’imperliasme francais dans les quartiers pauvres, recidivent dans leur campagne anti-Le Mauricien.


“Après avoir couché dans de lit de l’extrème droite, ils nous accusent d’être des assimilés rien qu’en profitant lâchement d’une involontaire omission au bas d’un texte de deux lignes se réfèrant a la source d’un extrait de “101 conseils an  ti nervosité”, un livre ecrit par un spécialiste médical francais. Quel culot!


“Ces bourgeois rouges, qui enseignent le créole le jour aux désherités et communiquent avec le plus pur accent oxfordien dans leurs cercles intimes, devraient soigner d’abord le syndrome pathologique, qui est a la base de leurs analyses énormes a partir de brindilles de paille pour prouver leurs idées fixes.


“Que LPT aille donc se faire voir ailleurs au sujet de cette communication hystérique sur un extrait de livre publié par Le Mauricien samedi dernier dans la page consacrée aux femmes.”


 Ledikasyon pu Travayer, antan ki Lasosyasyon, ek Alain Ah-Vee antan ki individi ki ti Sekreter, ti purswiv Le Mauricien e so redakter, Sydney Selvon pu Rs50,000 divan Lakur Intermedyer pu difamasyon. Purswit LPT ek Alain Ah-Vee ti baze lor lartik an zeneral, me sirtu lor “avoir couché dans de lit de l’extrème droite”. Nu ti pran avoka, fe Kader Bhayat.


 Nu ti bizin pas divan Lakur Intermedyer 14 fwa pandan 4 an:


 30 Novam 1988


11 Zan 1989


15 Feb 1989


22 Mars 1989


6 Ziyet 1989


26 Okt 1989


13 Feb 1990


9 Me 1990


14 me 1990


22 Nov 1990


23 Avr 1991


15 Me 1991


6 Nov 1991


19 Mar 1992


Sel konsolasyon Selvon ek Proprieter, Jacques Rivet ek zot avoka, fe Guy Ollivry QC ti bizin, zot osi, al Lakur tu sa fwa la.


 Finalman, zot eskiz ti abjek. Dan Lakur, e osi dan Le Mauricien 20 Mars 1992, zot dir:


“Ledikasyon pu Travayer


 V


1. Sydney Selvon


2. Le Mauricien Ltd


“Alain Ah-Vee


V


1. Sydney Selvon


2. Le Mauricien Ltd         


“1. On 28 September 1988, LE MAURICIEN published a reply to a letter addressed to it by the secretary of Ledikasyon pu Travayer, the contents and terms of which may have been construed as casting doubt on the genuineness of the commitment of the secretary and members of Ledikasyon pu Travayer in their activities in promoting adult education and culture, adult literacy, language education and popular consciousness, and on the credibility of the Association itself.


“2. Mr. Sydney Selvon, Editor in Chief, and Le Mauricien LTD printer of the Newspaper Le Mauricien wish to state that the activities of Ledikasyon pu Travayer in its adult literacy work and the promotion of the kreol and bhojpuri languages are appreciated by the public at large and must be encouraged, and that the genuineness of the commitment of its secretary, Mr Alain Ah Vee and of its members is unquestioned. They accordingly express their sincere regrets for any prejudice which the publication mentioned above may have caused to the Association, its secretary and its members.”


 Konklizyon


Kan enn lasosyasyon kuma LPT kritik enn lagazet dan enn fason poli pu so lespri kolonize, avek prev alapwi, repons telman vyolan ki LPT pena lot swa apar purswiv pu difamasyon. Lerla, Leta Burzwa dan tu so lanter kriyel, ris prose la pu 4 an. Alor, sa li enn sel ti-lexanp ki pinisyon atann nu kapav donn enn lide kifer dimunn ezite parfwa pu lager pu langaz Kreol servi pu anseyne, mem si pu 2/3 dimunn li zot profon dezir. Alor leson li sinp:  nu bizin batir nu kuraz. Nu bizin vinker.


 


Lindsey Collen